سەرۆکۆمارێ ترکیێ رەجەپ تاییپ ئەردۆگان گۆت، “کۆبانی قەدیا، مە ل ئدلبێ، ل کۆبانیێ تەدبیرێن پێویست پێک ئانین و ئەمێ بەردەوام بن».
رەجەپ تاییپ ئەردۆگان ل ئەنقەرێ بەشداری 28ەمین جڤینا گشتی یا ئاسایی یا کۆنفەدەراسیۆنا سەندیکایێن کارسازان يا ترکیێ (TISK) بوو و گۆتارەک پێشکێش کر.
ئەردۆگان د ئاخافتنا خوە دە دەربارێ باژارێ کۆباني یێ رۆژئاڤایێ کوردستانێ دە ئاخڤی و گۆت: «کۆبانی قەدیا. ئەم ل ئدلبێ، ل کۆبانیێ تەدبیرێن پێویست پێک تینن و ئەمێ بەردەوام بن. ترکیەیەکە کو بەر ب کریزێن چێکری ڤە تێ راکشاندن، نە تەنێ چۆک داناینە، بەرەڤاژی وێ، کەتیە ناڤ رابوونا پێدارێ یا نوو و ئەڤ رابوون دێ بەردەوام بە».
ل سەر ئەنفلاسیۆنا ل ترکیێ ژی راگهاند: «دانەیێن ئەنفلاسیۆنا مەها مژدارێ کو دوهـ هات ئەشکەرەکرن، نیشانەیێن باشبوونێنە. ل گەل سەرسالێ، ئەڤ باشبوون دێ بلەز ببە و ژ مەها سباتا بێ شووندە، کۆنترۆلا ئەنفلاسیۆنێ دێ بگهیژە ئاستەکە هێسان».
