دەزگەھا دادوەریا ئیرانێ ژ بۆ خوەپێشاندەرەکی ڤێ داویێ بریارا سێدارەدانێ دا.
ئاژانسا نووچەیان یا میزانێ یا سازیا دادوەریێ راگھاند، مەجیدرەزا راھنەڤەرد سبەھا رۆژا دوشەمبێ ب تاوانا “دژایەتیا حکوومەتا ئیسلامی” ھات بدارڤەکرن.
مەدیایا ئیرانێ دبێژە حوکمێ سێدارەدنی د 29ێ مژدارێ دا ھات دایین کو پشتی مەجیدرەزا “دو کارمەندێن ھێزێن ئەولەکارییێ کوشتین و چار کەسێن دن ل باکورێ رۆژھلاتێ ئیرانێ بریندار کر.”
ئەڤ دویەمین سزایێ سێدارەدانێ یە ل سەر خوەنیشاندانێن داوین یێن ئیرانێ، یا یەکەم ژ بۆ موحسن شاکاری بوو، کو د 8ێ کانوونێ دە ژ بەر “دژایەتیا حکوومەتا ئیسلامی” ھات سێدارەدان.
د رۆژێن دەرباسبوویی دا، رێکخستنێن ناڤدەولەتی یێن مافێن مرۆڤان چەندین جاران رەژیما ئیسلامی یا ئیرانێ ل سەر سێدارەدانا خوەپێشاندەران ھشیار کرنە.
رێخستنا مافێ مرۆڤان یا ئیرانێ د راپۆرا خوە دا دبێژە، ھەری کێم 458 کەس ھاتنە کوشتن و زێدەتری 18000 کەس د خوەنیشاندانێن ڤێ داویێ دا کو ب “مرنا” مەھسا ئەمینی دەست پێ کربوون.
