سەرۆککۆمارێ ترکیێ رەجەب توییب ئەردۆگان دیار کر، ترکیا نھا دەست ب چێکرنا مۆشەکێن خوە کریە و گۆت، “ئەڤ بەرھەم ھەلبەت یوونانان دترسینە. تو دبێژی ‘تایفوون’، یوونان ماتمایی دمینە، دبێژە، ‘دێ ل ئەسینایێ بخن’. بەلێ، ھەلبەت ئەو دێ ل ئەسینایێ بخە.”
ئەردۆگان دەربارێ ئۆپەراسیۆنا موحتەمەل یا ل دژی رۆژئاڤا دە ژی گۆت، “ئەم دێ ناڤکا خوە ب خوە ژێبکن.”
“مۆشەکا تایفوون دکارە ل یوونانیستانێ بخە”
ئەردۆگان ب توندی پەیامێن گەفخوارنێ دان ئەسینایێ و وھا گۆت: “نھا مە دەست ب چێکرنا مۆشەکێن خوە کریە. ھەلبەت ئەڤ بەرهەمە یوونانیان دترسینە. تو دبێژی ‘تایفوون’، یوونانی دترسن و دبێژن، ‘دێ ل ئەسینایێ بخن’. باشە، ھەلبەت دێ بخە. گەر ھوون ھەول بدن ژ ئامەریکایێ ژ بۆ گراڤان تشتەکی ژ ور و ژ ڤر تشتەکی بکرن، وەلاتەکی وەک ترکیایێ بێدەنگ نامینە، دڤێت تشتەکی بکە.”
پەیاما رۆژئاڤا: “ئەم دێ ناڤکا خوە ب خوە ژێکن”
د داخویانیا خوە یا دەربارێ ئۆپەراسیۆنێن رۆژئاڤا دە ژی ئەردۆگان گۆت، “ئامەریکا 4-5 ھەزار بارهەلگرێن چەک و جەبلخانە دشینە باکورێ سووریەیێ. ھەر چقاس من ئەڤ یەک ژ وان رە گەلەک جاران گۆتبە ژی، خەما وان نینە. من گۆت ببۆرن، ئەم د ناتۆیێ دە لگەل وە نە، ھەر چەند ئەم ب ھەڤ رە بن ژی، ھوون ڤێ خەلەتیێ ل مە دکن، ل جەم تەرۆرێ دسەکنن. وێ دەمێ ئەم ژی دێ ناڤکا خوە ب خوە ژێکن.”
