دادگەھێ دەربارێ سەرۆکێ شارەداریا باژارێ مەزن یا ستەنبۆلێ ئەکرەم ئیمامۆغلو، بریارا 2 سال 7 مەھ و 15 رۆژ سزایێ زیندانیکرنێ و قەدەغەیا سیاسەتێ دا.
روونشتنا دۆزا ل سەر سەرۆکێ شارەداریا باژارێ مەزن یا ستەنبۆلێ ئەکرەم ئیمامۆغلو ب تۆھمەتا “سڤکاتی ب ئەندامێن لژنەیا ھلبژارتنێ یا بلند کریە” ئیرۆ چارشەمێ ل 7ەمین دادگەھا تاوانان یا دادگەھا ئانادۆلویێ یا ستەنبۆلێ برێڤە چوو.
دادگەھا ئانادۆلویێ قەدەغەیا سیاسەتێ دا ئەکرەم ئیمامۆغلو و بریار دا، 2 سال و 7 مەھ و 15 رۆژان بهێتە زندانیکرن.
ئەگەر بریار ل دادگەھا ئیستینافێ و دادگەھا بلند بهێت مسۆگەرکرن، دێ شارەداریا ئیمامۆغلو هێت بەتالکرن و د ھلبژارتنێ دا نەشێت ببیتە کاندید.
د سالا 2019ێ دا د ھلبژارتنێن شارەداریانا ترکیێ دا وەزیرێ ناڤخوە سولەیمان سۆیلو گۆتبوو ئەکرەم ئیمامۆغلو “ئەحمەق”، ل سەر ڤێ یەکێ ئەکرەم ئیمامۆغلو ژی بەرسڤ دابوو و گۆتبوویێ “کەسێن کو د 31ێ ئادارێ دا ھلبژارتن بەتال کرن، ئەحمەقن.”
پشتی ڤێ یەکێ، دەربارێ ئەکرەم ئیمامۆغلو دا ب تۆھمەتا کو “سڤکاتی ل لژنەیا ھلبژارتنێ یا بلند کریە” دۆز ھاتە ڤەکرن، لێ ئیمامۆغلو وێ دەمێ ئەشکەرە کربوو کو وی ئەڤ پەیڤ بۆ سولەیمان سۆیلو بکار ئانینە.
