سەرۆکێ رێخستنا ئەنەرژیا ئەتۆمی یا ئیرانێ محەمەد ئیسلامی راگھاند، د رۆژێن بهێت دا رایەدارێن ئاژانسا ناڤدەولەتی یا ئەنەرژیا ئەتۆمی دێ سەردانا تەھرانێ کن.
محەمەد ئیسلامی د چارچۆڤەیا جڤینا ئەنجوومەنا وەزیران یا ئیرانێ دا ژ بۆ رۆژنامەڤانان دیار کر، رایەدارێن ئاژانسا ناڤدەولەتی یا ئەنەرژیا ئەتۆمی دێ د رۆژێن بهێت دا سەردانا تەھرانێ کن.
ئیسلامی دیار کر کو پەیوەندیێن وان یێن لگەل ئاژانسێ بەردەوامن و ھێڤیا خوە ئانی زمان کو رایەدارێن ئاژانسێ د ڤێ سەردانا خوە دا بەر ب ئاراستەیا چارەسەرکرنا کێشەیان، گاڤان باڤێژن.
ئاژانسا ناڤدەولەتی یا ئەنەرژیا ئەتۆمی مەھا بۆری، ژ بەر بەرسڤنەدانا ئیرانێ یا ل سەر پرسیارێن ئاژانسێ یێن دەربارێ دیتنا شوونوارێ یورانیوومێ ل سێ بارەگەھێن رانەگھاندی یێن ئیرانێ، بریارنامەیەک ل دژی کۆمارا ئیسلامی یا ئیرانێ راگھاندبوو، ل ھەمبەر ڤێ یەکێ، ئیرانێ ئاستا پیتاندنا یورانیوومێ، %60 زێدە کربوو.
