فەرمانداریا ناڤەندییا ھێزێن ئامەریکایێ (CENTCOM) راگھاند، ب رێیا ھەلیکۆپتەرێ ڤە د ناڤا 48 دەمژمێرێن بۆری دا سێ ئێریشێن جودا ل رۆژھلاتێ سووریێ و ب سەر چەندین چەکدارێن داعشێ دا ھاتن کرن و سەرکردەیەکی دیارێ داعشێ ھات دەستەسەرکرن.
سێنتکوم د داخویانیەکێ دا ئەشکەرە کر، د چارچۆڤەیا 3 ئێریشێن جودا دا بۆ سەر بارەگەھ و پێگەھێن داعشێ ل رۆژھلاتێ سووریێ، پێنج چەکدارێن داعشێ و سەرکردەیەکی دیارێ وێ رێخستنێ ھاتن دەستەسەرکرن.
ھەروھا ئەشکەرە کر، یەک ژ وان کەسێن ھاتنە دەستەسەرکرن، دەستێ وی د جێبەجێکرنا ئێریشان دا ل سووریێ ھەبوویە و سەرکردەیەکی دیارێ وێ رێخستنێیە.
ھەڤپەیمانیا ناڤدەولەتی یا ل دژی داعشێ یا ل سووریێ، ب سەرکرداتیا ئامەریکایێ، ب ھەڤکاریا ھێزێن سووریا دەمۆکراتیک (ھەسەدێ) ل دژی چەکدارێن داعشێ شەر دکن.
