پەیامەکە ڤەخوەندنێ یا سەرۆککۆمارێ ترکیێ رەجەب تەییب ئەردۆگان گھیشتە سەرۆککۆمارێ ئیراقێ لەتیف رەشید کو د دەمەک نێزیک دا سەردانا ئەنقەرێ بکە.
بالیۆزێ ترکیێ یێ ل بەغدایێ عەلی رزا گونەی ئیرۆ پێنجشەمبێ 22یێ بەرفانبارا 2022یێ پەیامەکا دەستخەتێ سەرۆککۆمارێ ترکیێ رەجەب تەییب ئەردۆگان گھاندە سەرۆککۆمارێ ئیراقێ لەتیف رەشید.
ل گۆر داخویانیا سەرۆککۆماریا ئیراقێ، د پەیامێ دا ئەردۆگان ھەڤتایێ خوە یێ ئیراقێ ڤەدخوینە وەلاتێ خوە و داخوازا وەلاتێ خوە ژ بۆ بلندکرنا ئاستا پێوەندیێن ناڤبەرا ھەردو ئالیان نیشان دایە، ھەروھا تەکەزی ل پاراستنا ئاشتی و سەقامگیریا ناڤچەیێ کریە.
ل ھەمبەر ڤێ یەکێ، سەرۆککۆمارێ ئیراقێ سپاسیا ڤێ ڤەخوەندنا سەرۆککۆمارێ ترکیێ ژ بالیۆزێ ترکیێ را راگھاندیە و تەکەزی ل سەر پێشڤەبرنا پێوەندیێن دوئالی و ھەڤکاریا ھەڤبەشا د ناڤبەرا بەغدا و ئەنقەرێ دا کریە.
