وەزیرێ بەرەڤانیێ یێ ترکیێ ھولوسی ئاکار راگهاند، “ژ دەستپێکا ئیسال ھەیا نھا ل ناڤا ترکیێ و ل باکورێ سووریێ (رۆئاڤا) و ئیراقێ (باشوورێ کوردستانێ) 3 ھەزار و 982 چەکدارێن پەکەکێ ھاتنە کوشتن.”
هولوسی ئاکار وەزیرێ بەرەڤانیێ یێ ترکیێ لگەل نوونەرێن ئەنقەرەیێ یێن سازیێن چاپەمەنیێ جڤییا و سەبارەت خەباتێن سالێ یێن وەزارەتا بەرەڤانیێ یا ترکیێ دا ئاخڤی.
وەزیرێ بەرەڤانیێ یێ ترکیێ ھولوسی ئاکار دەستنیشان کر ژ 1ێ چلەیێ پێ ڤە ل سەر سینۆران رێگری ل 256 ھەزار و 199 کەس ھاتیە کرن و 8 ھەزار کۆچبەرێن بێدەستوور و 820 کەسێن کو ژ ئالیێ پەکەکێ ڤە ھاتنە خاپاندن تەسلیمی ھێزێن ئەولەھیێ کرنە.
هەر وەها ھولوسی ئاکار دەستنیشان کر، د حەرەکاتا پەنچە-کلیتێ دا 506 چەکدارێن پەکەکێ ھاتنە کوشتن و گۆت کو نێزیکی 2 ھەزار مایین/تەقەمەنیێن دەستچێکری و 600 شکەفت، ستارگەھ و تونێل ھاتنە ژناڤبرن.
