ئێریشکارێ ل سەر ناڤەندا چاندا کورد یا ئەحمەد کایا ل پاریسێ، پشتی کو شەڤەکێ ل ناڤەندا چارەسەریا دەروونی مابوو، بۆ گرتیگەھێ ھاتە ڤەگەراندن.
سەردۆزگەریا پاریسێ دوھی بریار دابوو کو ئێریشکارێ ل سەر ناڤەندا چاندێ یا ئەحمەد کایا یا پاریسێ ژ گرتیگەھێ بۆ ناڤەندا چارەسەریا دەروونی بهێت ڤەگوھاتن.
دۆزگەرا گشتی یا پاریسێ لۆرا بیکۆ راگھاند، تاوانبارێ گولە ل ناڤەندەکا کوردی رەشاندنە ل خوە مکور ھاتیە کو ئەو ل دژی بیانیانە.
ئاشکەرا کر ژی، ئێریشکار چەند دەمژمێران ل نەخوەشخانەیەک دەروونی ما و پشترا ژ بۆ گرتیگەھێ ھات ڤەگوھاستن.
رۆژا 23یێ بەرفانبارا 2022یێ، کەسەکی تەمەن 69 سالی ل پاریسا پایتەختا فرانسایێ ب چەک ئێریشی ناڤەندا چاندا کورد یا ئەحمەد کایا کر و د ئەنجامێ دا 3 کورد ھاتن کوشتن و 3 کەس ژی بریندار بوون.
د وێ دەربارێ دا، وەزیرێ ناڤخوەیێ فرانسایێ گەرالد دارمانن گۆت کو ئێریشکار ب ئەشکەرەیی بیانی کرنە ئارمانج.
حکوومەتا ھەرێما کوردستانێ ژی د داخویانیەکێ دا ب توندی ئێریشا ل سەر کوردێن ل پاریسێ شەرمەزار کر.
