وەزیرێن بەرەڤانیێ یێن رووسیا، ترکیا و سووریێ ل مۆسکۆ جڤیان و چارەسەرکرنا کێشەیا سووریێ گۆتووبێژ کرن.
ل گۆر داخویانیا وەزارەتا بەرەڤانییا رووسیایێ، ئیرۆ چارشەمبێ 28ێ بەرفانبارا 2022یێ، ھەر یەک ژ وەزیرێن بەرەڤانیێ یێن رووسیا، ترکیا و سووریێ ل مۆسکۆ جڤیان و بەحسا چارەسەرکرنا کێشەیا سووریێ و ئاوارە و پەنابەران و رووبرووبوونا تەرۆرێ کرن.
د داخویانیێ دا ھات ئاشکەراکرن، د جڤینێ دا تەکەزی ل سەر بەردەوامبوونا گۆتووبێژان ژ بۆ سەقامگیریا ناڤچەیێ ھات کرن، ب تایبەتی ژی ل سووریێ.
ھەر یەک ژ وەزیرێ بەرەڤانیێ یێ ترکیێ ھولوسی ئاکار، وەزیرێ بەرەڤانیێ یێ رووسیایێ سێرگی شۆیگو و وەزیرێ بەرەڤانیێ یێ سووریێ عەلی مەحموود عەباس، ل سەر پاراستنا سەقامگیریێ ل سووریێ و چارەسەرکرنا کێشەیا ئاوارەیان و رووبرووبوونا تەرۆریستان، ل ھەڤ کرن.
بەریا نھا وەزارەتا بەرەڤانیێ یا ترکیێ راگھاندبوو کو وەزیرێ بەرەڤانیێ ھولوسی ئاکار و سەرۆکێ ئیستخباراتا ترکیێ (میت) ھاکان فیدان ب سەرەدانەکا فەرمی ل مۆسکۆ نە.
