– 724 سڤیل کو ژ ناڤا وان 193 زارۆک و 73 ژنن، ل سەر دەستێ ئالیێن دن هاتنە کوشتن.
هەروهها تۆرا سووری یا مافێن مرۆڤان د راپۆرتا خوە دە داخواز ژ ئەنجوومەنا ئاسایشا ناڤدەولەتی کر کو تەدبیرێن زێدەتر بگرە و تەکەزی ل سەر وێ یەکێ کر کو دۆسیەیا سووریێ ژ بۆ دادگەها تاوانان یا ناڤدەولەتی وەرە شاندن و هەموو کەسێن کو د تاوانێن ل دژی مرۆڤاتیێ و تاوانێن جەنگێ دە جهـ دگرن، بێنە جەزاکرن.
راپۆرتێ بانگ ل هەموو ئاژانسێن نەتەوێن یەکگرتی یێن پەیوەندیدار کر کو هەولێن زێدەتر د وارێ شاندنا ئالیکاریێن مرۆڤی یێن خوارن و بزیشکی دە بۆ ناڤچەیێن کو شەر ل وان راوەستیایە و کامپێن کۆچبەرێن ناڤخوەیی، بدن.
هەروهها پێشنیار ل جڤاکا ناڤدەولەتی کر کو کار ژ بۆ ئامادەکرنا نەخشەیان بکە کو جهێن ماین و بۆمبەیێن ل هەموو پارێزگەهێن سووریێ هاتنە چاندن، ئاشکەرە ببن، تا کو پێڤاژۆیا راکرنا وان هێسانتر ببە و خەلک ژ جهێ وان ئاگاهدار ببە.
تۆرا سووری یا مافێن مرۆڤان بانگ ل هەموو ئالیێن شەر کر ژی، نەخشەیێن جهێن کو ماین و بۆمبە لێ چاندنە پێشکێش بکن، ب تایبەتی جهێن سڤیلان.
