ئیرۆ ھەر سێ قوربانیێن ئێریشا پاریسێ ب مەراسیمەکێ دێ هێن برێکرن

ئیرۆ ھەر سێ قوربانیێن ئێریشا پاریسێ ب مەراسیمەکێ دێ هێن برێکرن

 ئیرۆ ھەر سێ قوربانیێن ئێریشا ل سەر ناڤەندا چاندا کورد یا ئەحمەد کایا ل پاریسێ ب مەراسیمەکا جەماوەری دێ هێن برێکرن.

ئیرۆ 3ێ چلەیا 2023یێ ل دەمژمێر 12:00 دێ ھەر سێ قوربانیێن پاریسێ ئەڤین گۆیی، عەبدولرەعمان کزل، و میر پەروەر ب مەراسیمەکا جەماوەری دێ هێن برێکرن.

پشتی مەراسیما ل پاریسێ، دێ تەرمێن ئەمینا کارا بۆ مەخموورێ، تەرمێ میر پەروەر بۆ مووشێ و تەرمێ عەبدولرەعمان کزل ژی بۆ قەرسێ هێن شاندن.

رۆژا 23ێ بەرفەنبارا 2022یێ کەسەکی فرانسی 69 سالی ب چەکێ ئێریشی ناڤەندا چاندا کورد یا ئەحمەد کایا و سەرتراشخانەیەکێ کر و د ئەنجامێ دا 3 وەلاتیێن کورد یێن ب ناڤێ میر پەروەر، ئامینا کارا و عەبدولرەعمان کزل کوشتن و 3 کەس ژی بریندار کرن.

ھەر سێ وەلاتیێن کو جانێ خوە ژ دەست دانە، ژ باکورێ کوردستانێ نە. پشتی ئێریشێ، ئێریشکارێ 69 سالی یێ ب ناڤێ وڵامس ماڵەت ھاتبوو دەستەسەرکرن.

پشتی ڤێ ئێریشێ، کارڤەدانێن مەزن ل پاریسێ دروست بوون و کوردێن نشتەجیێن فرانسایێ و بەشەک ژ وەلاتیێن فرانسایێ، ل دژی ئێریشێ دەست ب خوەپێشاندانێ کرن و ئالۆزی د ناڤبەرا ھێزێن ئەولەھیێ و خوەپێشاندەران دا دەرکەت.

شارەداریا ھەرێما 10 یا پاریسێ پشتی ئێریشا ل دژی کوردان، ئالایێ کوردستانێ ل ئاڤاھیا شارەداریێ دالقاند. ھەر وھا سەرۆکا شارەداریا پاریسێ ئان ھیدالگۆ ژی رۆژا 1ێ چلە سەردانا ناڤەندا چاندا کورد یا ئەحمەد کایا کر و پشتەڤانیا خوە ژ بۆ کوردێن ل پاریس ئانی زمان.

پوستێن ھەمان بەش