وەزارەتا دەرڤە یا ئهمەریکا دەربارێ ئاساییکرنا پێوەندیێن ترکیێ ب رێژیما سووریێ رە رادگهینە، ئەو نە ب ئاساییکرنا پێوەندیێن وەلاتان ب رێژیما سووریێ رە نە.
بەردەڤکێ وەزارەتا دەرڤە نێد پرایس دوهی سێشەمێ ژ رۆژنامەڤانان رە گۆت: “ئەم پشتگریێ نادن وەلاتێن کو دخوازن تێکلیێن خوە ب رێژیما سووریێ رە خورت دکن ئان ژی پشتگریا خوە ژ بۆ دوبارە بهێزکرنا بەشار ئەل ئەسەدێ دیکتاتۆرێ هۆڤانە دیار دکن».
پرایس گۆت کو واشنگتۆن ژ هەموو هەڤالبەند و هەڤکارێن خوە رە ئەشکەرە کریە کو نها نە دەما ئاساییکرن ئان باشکرنا پێوەندیان ب رێژیما سووریێ رە یە.
بهردهڤكێوهزارهتا دهرڤه بال کشاندە سەر وێ یەکێ، وەلاتێن کو دخوازن پێوەندیێن خوە ب ئەسەد رە ئاسایی دکن، دڤێ ژ نێزیک ڤە ل بنپێکرنێن مافێن مرۆڤان یێن رژیمێ یێن 12 سالێن بۆری بنێرن.
دوهی ژی وەزیرێ دەرڤەیێ ترکیێ مەڤلوت چاڤوشۆگلو ژی دیار کر، ئەو دزانن ئهمەریکا ل دژی ئاساییکرنا پێوەندیێن ئەنقەرە و شامێ یە، لێ هەتا نها ئهمەریکا پرسا نێزکبوونا ترکیە و سووریێ ژ وان نەکریە.
بەردەڤکێ وەزارەتا دەرڤە یا ئهمەریکایێ راگهاند ژی، ئهمەریکا ل گەل نەتەوێن یەکگرتی و هەڤپەیمانێن خوە کار دکە دا کو چارەسەریەکە سیاسی ژ ئالۆزیا سووریێ رە پەیدا بکن.
ئەڤ داخویانیا بەردەڤکێ وەزارەتا دەرڤە یا ئهمەریکا د دەمەکێ دە یە، رۆژا 28ێ بەرفانبارا 2022ان وەزیرێن بەرەڤانیێ یێن ترکیێ و سووریێ ب ناڤبێنکاریا رووسیایێ ل مۆسکۆیێ جڤیان و بریارە وەزیرێ دەرڤەیێ ترکیێ ژی د نیڤا دویەما ڤێ مەهێ دە ب هەڤتایێ خوە یێ سووریێ رە ژی بجڤە.