پارلامەنتۆیا ئالمانیایێ دەنگی ل سەر جینۆسایدا ئێزدییان ددە

Parlamentoya Almanyayê -ezidi-kurd-isis-kurdistan (2)

بریار بوو رۆژا 17ێ ڤێ مەهێ، پارلامەنتۆیا ئالمانیایێ ژ بۆ قەبوولکرنا دۆسیایا ئێزدییان وەکە جینۆساید بجڤیا، لێ ژ بەر چەند سەدەمان، روونشتنا پارلامەنتۆیێ بۆ 26ێ مەهێ هات پاشخستن.

ئەندامەکی شاندا ئێزدیان کو بریارە ل روونشتنا پارلامەنتۆیا ئالمانیایێ بەشدار ببە ژ ک24ێ رە گۆت، جڤین دێ د داویا ڤێ مەهێ دە وەرە لدارخستن و هەموو بەلگە و ئامارێن دەربارێ جینۆسایدا ل دژی ئێزدییان هاتنە ئامادەکرن.

وی ژێدەری کو نەخواست ناڤێ وی ئاشکەرە ببە گۆت، مژارا ناسکرنا ڤێ مژارێ وەک جینۆساید ل پارلامەنتۆیا ئالمانیایێ گەرمە، ب تایبەتی ژ ئالیێ پارتیا دەمۆکراتا ئازادا ئالمانیایێ ڤە ب توندی تێ پشتگریکرن.

ل گۆر زانیاریێن ک24ێ، شاندەکە پلەبلندا ئێزدییان ژ بۆ بەشداربوونا د روونشتنا پارلامەنتۆیا ئالمانیایێ دە سەردانا ئالمانیایێ دکە. هەر وها هن کەسێن ژ قرکرنێ رزگار بوونە ژی دێ وەک شاهد ئامادە ببن و باخڤن.

هەر ل گۆری زانیاریان، مژارەکە دن یا ڤێ روونشتنا پارلامەنتۆیێ دێ ژ بۆ چاوانیا چارەسەرکرنا رەوشا زارۆکێن کو ژ دەستێ داعشێ رزگار بوونە بە.

د دەما ئێریشا داعشێ یا ل سەر شنگالێ دە، کوردێن ئێزیدی راستی جینۆسایدێ هاتن و 6417 کوردێن ئێزیدی ژ ئالیێ چەکدارێن وێ رێخستنێ ڤە دیل هاتن گرتن. هەتا نها 3562 کەس ب ئالیکاریا حکوومەتا هەرێما کوردستانێ هاتنە رزگارکرن و یێن دن ژی وندانە. هەر وها هن ژ وان د گۆرێن کۆم دە هاتن جینۆسایدکرن کو هەتا ئیرۆ 83 گۆرێن ب کۆم هاتنە دیتن. لگەل وێ ژی داعشێ 68 مەزار و پەرەستگەهێن کوردێن ئێزیدی وێران کرن.

د کۆمکوژیا شنگالێ دە 2745 زارۆک بێ باڤ مان، نێزیکی 400 هەزار کوردێن ئێزدی کۆچبەر بوونە کو پرانیا وان ڤەنەگەریانە و د کۆنان دە ل کامپان دژین.

پوستێن ھەمان بەش