رەوانگەها سووری یا مافێن مرۆڤان راگهاند کو د ئێریشا ب مووشەکان یا ل دژی بارەگەها هێزێن ترکیێ یا ل رۆژهلاتێ ئەعزازێ دە 4 لەشکەر بریندار بوون و رەوشا لەشکەرەکی دژوارە.
رەوانگەها سووری یا مافێن مرۆڤان د داخویانیەکێ دە راگهاند کو ب مووشەکان ئێرشی بارەگەها هێزێن ترکیێ یا ل ناڤچەیا ئەعزازێ کو دکەڤە باکورێ حه‌له‌بێ کرن.
ل گۆر چاڤکانیێن رەوانگەها سووری، د ئەنجاما ئێرشێ ده 4 لەشکەرێن ترکیێ بریندار بوونە و رەوشا لەشکەرەکی بریندار نە جهگیرە.
هات گۆتن کو پشتی ئێرشێ هێزێن ئارتێشا ترکتێ و چەکدارێن ئۆپۆزسیۆنا سووریێ یێن گرێدایێ ئەنقەرە گوندێن تل رفعەت، ئەحراس و کەفر نەسهێن ل باکورێ حه‌له‌بێ کو د بن کۆنترۆلا حکوومەتا سووریەیێ و هێزێن رزگاریا عەفرینێ ده نە، بۆمبەباران کرن.
نەهاتیە زانین د بۆمبەبارانێ دە کوشتی و بریندار هەنە یان نا.
ژ ئالیەکی دن ڤە، هێزێن ئارتێشا سووریێ دوهـ باژارۆکێ سارمینێ یێ ل گوندەوارێ رۆژهلاتێ ئدلبێ تۆپباران کر.
رەوانگەها سووری دا زانین کو مالێن سڤیلان بوونە هەدەف، لێ کوشتی و بریندار چێنەبوونە.
