جهندرمهیێن ترکیێ، ب ئاوایەکی هۆڤانە ئێرشی ههژمارهكه وهلاتیێن سووریێ كر، پشتی كو ئهو دەرباسی سینۆرێ تركیێ بووین.
روانگهها سووری یا مافێن مرۆڤان ئیرۆ رۆژا سێشهمی 10/1/2023ێ بهلاڤ كر كو جهندرمهیان، ب تفنگ و داران ب توندی ل ههژمارهكه وەلاتیێن سووری خستن، پشتی كو ل شەڤا دوشەم سهر-سێشەمیێ ب رێیێن “قاچاغ” ل گوندێ عهرازه یێ سەر ب باژارۆكێ ئەبووراسین ڤە دەرباسی سینۆرێ ترکیێ بووین.
د سێ رۆژێن بۆری ده تهڤگهرهكا چالاكا “قاچاخچیتیێ” ل سینۆرێن د ناڤبەرا سووریێ و ترکیێ دە ب تهیبهت دەڤەرێن د بن کۆنترۆلا ههسهدێ دە، چێببوو، وهلاتی ژ بۆ پەیداکرنا ژیانەکە باشتر دهرباسی سینۆر دبن و ههول ددن ژ ناڤا ئاخا تركیێ خوە بگهینن ئەورۆپایێ.
ل گۆر چالاکڤانێن رەوانگەها سووری، د سێ رۆژێن بۆری دە زێدەتری 600 کەسان دهرباسی سینۆرێن ترکیێ بوونە، پرانی ژێ ژ رۆژئاڤا كوردستانێ و دهڤهرێن بن كۆنترۆلا ههسهدێ بوونه.
د 3ێ چلەیێ دە، رەوانگەها سووری مرنا وەلاتیهكێ سهرێكانیێ بهلگه كربوو کو ژ هێلا جهندرمهیێن تركیێ ڤە هاتبوو كوشتن، پشتی خوهستی سینۆری دهرباس بكه.
