نێزی 4 مەهن ل باژار و باژارۆکێن ئیرانێ خوەپێشاندان بەردەوام دکن و د ئەنجامێ دە ب دەهان کەس هاتن کوشتن و ب هەزاران کەس ژی هاتن گرتن.
ل گۆری مالپەرا میزان ئۆنلاین کو نێزیکی دەزگەها دادوەریا ئیرانێ یە، وەلاتیەکی دن یێ ئیرانی ب ناڤێ (جەواد رووحی) ب تۆمەتا «بەلاڤکرنا ئالۆزیێ»، شەوتاندنا قورئانا پیرۆز و زیان گهاندنا مال و ملکێن گشتی ب دارڤەکرنێ هات مه‌حکوومکرن.
ل ئیرانێ هەژمارا کەسێن کو جەزایێ دارڤەکرنێ ب سه‌ده‌ما خوه‌پێشاندانێن ڤێ داویێ ل وان هاتیە برین گه‌هشت 18 كه‌سان و ژ وان 4 کەس هاتنە دارڤه‌كرن.
پشتی گرتن و کوشتنا ژینا ئەمینی ژ ئالیێ پۆلیسێن ئەخلاقی یێن ئیرانێ ڤە، زێدەتری 4 مەهانه د خوەپێشاندانێن باژار و باژارۆکێن ئیرانێ دە ب سەدان کەس هاتنە کوشتن.
پرانیا خوەنیشاندانان ژ ئالیێ هێزێن ئەولەهیێ یێن ئیرانێ ڤە هاتن تەپەسەرکرن و ل گۆری رێخستنێن مافێن مرۆڤان، نێزیکی 550 خوەپێشاندەران هاتن کوشتن و زێدەتری 18 هەزار کەسان ژی هاتن گرتن.
رێخستنان دیار کرن کو 100 گرتی د بن خەتەریا دارڤه‌كرنێ دە نە.
