ل گۆر چاپەمەنیا سوورییێ، ئارتێشا وی وەلاتی کاریە 6 سیخورێن وەلاتەکە بیانی د ناڤا خوە دە ئەشکەرە و بنچاڤ بکە.
چاپەمەنیا سووریێ دیار کریە، ئەو ھەر 6 کەسێن تێن گۆتن د ناڤا ئارتێشا سووریێ دە ئەفسەرن و تێکلیێن وان ل گەل دەزگەھەکە ئیستیخباراتی یا وەلاتەکە بیانی دە ھەبوویە.
ئارتێشا سووریێ دیار کریە کو، ئەو ھەر 6 ئەفسەرێن ھان زانیاریێن گرینگ دەربارێ لڤ و تەڤگەرێن ئەفسەرەکە ھێزێن ئاسمانی یێن ئیرانێ دانە وەلاتەکە بیانی و ئەو ئەفسەرێ ھێزێن ئاسمانی یێ ئیرانێ ژی پشتی وان زانیاریان ل سووریێ ھاتیە کوشتن.
وەکی کو تێ زانین بەریا نھا ئیرانێ راگھاندبوو، ئەفسەرەکە ھێزێن ئاسمانی یێ ئیرانێ ل سووریێ ژ ئالیێ ئیسرایلێ ڤە ھاتیە کوشتن، ژبەر ڤێ چەندێ ژی تێ تەخمینکرن کو، ڤان ئەفسەرێن سووری سیخوری بۆ ئیسرایلێ کربن.
