وەزارەتا بەرەڤانیێ یا ترکیێ راگھاند، ل پارێزگەھا ئدلبێ یا ل باکورێ سووریێ سەربازەکی ترکیێ ھاتیە کوشتن.
ل گۆر داخویانیا وەزارەتا بەرەڤانیێ یا ترکیێ، رۆژا 13ێ چلەیا 2023یێ د ئێریشەکێ دا لەشکەرەکی وان یێ ب ناڤێ سەلچوک کورت ب گرانی بریندار بوویە و پشترە بۆ نەخوەشخانەیێ ھاتیە ڤەگوهاستن، لێ تەڤی ھەموو ھەولدانان، ل نەخوەشخانەیێ مریە.
ئۆپەراسیۆنا مەرتالا فراتێ یا ئارتێشا ترکیێ، پارێزگەھێن جەرابلوس، ئەل باب و حەلەبێ یێن باکورێ سووریێ ل خوە دگرە. ئۆپەراسیۆنا کو د سالا 2016ێ دە ژ ئالیێ ئارتێشا ترکیێ و ئارتێشا ئازادا سووریێ ڤە ھات دەستپێکرن، ھەتا ناڤچەیا ئەل بابا د کووراھیا 35 کیلۆمەترەیان دە ل خوە دگرە.
