وەزیرێ دەرڤەیێ سووریێ فەیسەل میقداد راگهاند کو هەتا ترکیە داویێ ل داگیرکەریێ نەینە، ئەو پێوەندیێن خوە ل گەل وی وەلاتی ئاسایی ناکن.
وەزیرێ دەرڤەیێ سووریێ فەیسەل مقداد و وەزیرێ دەرڤەیێ ئیرانێ حسێن ئەمیر-ئەبدوللاهیان ئیرۆ شەمیێ 14ێ چلەیا 2023یان پشتی هەڤدیتنا ل شامێ جڤینەکە رۆژنامەڤانی یا هەڤبەش ساز کرن.
فەیسەل مقداد تێکلداری ئاساییکرنا تێکلیێن ب ئەنقەرێ رە گۆت: «هەر دانووستاندنەک ب ئالیێ ترکیێ رە گرێدایی رێزگرتنا ل سەروەری و یەکپارچەییا ئاخا سووریێ، بداویکرنا داگیرکەریێ و راوەستاندنا پشتگرییا ژ تەرۆرێ رە یە».
هه‌روه‌ها گۆت: بەریا هەڤدیتنا سەرۆک ئەسەد و سەرکردایەتیا ترکیێ، دڤێ سەدەمێن ناکۆکیان ژ هۆلێ رابن، ژ بۆ لدارخستنا جڤینێن د ئاستا بلند دە پێویستە پێگەهەک و رەوشەکە گونجاو بێ چێکرن، بێیی هلوەشاندنا داگیرکەریێ نە پێکانە کو مرۆڤ بەهسا ژ نوو ڤە ئاساییکرنا تێکلیێن ب ترکیێ رە بکە».
