هات راگهاندن کو ل باژارۆکێ ئەل-راعی یێ باکورێ حەلەبێ، دەما جوانەکی سووری دخوەست دەرباسی ئالیێ ترکیە ببە ژ ئالیێ جەندرمەیێن ترکیێ ڤە هاتیە گولەبارانکرن و د ئەنجام دە جانێ خوە ژ دەست دایە.
ل گۆر روانگەها سووری یا مافێن مرۆڤ (سۆهر)، ل باژارۆکێ ئەل-راعی ییێ باکورێ حه‌له‌بێ، دەما جوانێ سووری یێ ب ناڤێ ئەحمەد جه‌عفه‌ری یێ 20 سالی دخوەست دەرباسی ئالیێ ترکیە ببە، ژ ئالیێ جەندرمەیێن ترکیە ڤە هاتیە گولەبارانکرن د ئەنجام دە جانێ خوە ژ دەست دایە، پشترە بۆ نەخوەشخانەیا ئەل-راعی هاتیە ڤەگوهەستن داکو کەسوکارێن وی تەرمی وی وەربگرن.
ل گۆر چاڤکانیان، ژ دەستپێکا سالا 2023ان ڤە، ل سەر سینۆرێ هەڤبەشێ سووریە-ترکیێ 3 وەلاتیێن سووری دەما هەول دانە دەرباسی ئالیێ ترکیە ببن ژ ئالیێ جەندرمەیێن وی وەلاتی ڤە هاتنە کوشتن، هەروها 4 وەلاتیێن سووری ژی بریندار بوونە.
ل گۆر ناڤەندا بەلگەکرنا بنپێکرنان ل باکورێ سووریێ، ژ دەستپێکا شەرێ ناڤخوەیێ سووریێ و هەتا نها 530 وەلاتیێن سووری ل سەر سینۆرێ هەڤبەشێ سووریە – ترکیێ دەما خوەستنە دەرباسی ئالیێ ترکیێ ببن ژ ئالیێ جەندرمەیێن ترکیێ ڤە هاتنە کوشتن کو د ناڤ وان دە 101 زارۆک و 67 ژن هەنە، هەروها هەزار و 340 وەلاتیێن سووری ژی بریندار بوونە.
