ھولوسی ئاکار: مە سەردانا وەزیرێ بەرەڤانیێ یێ سوێدێ بەتال کر

وەزیرێ بەرەڤانیێ یێ ترکیێ ھولوسی ئاکار راگھاند، سەردانا وەزیرێ بەرەڤانیێ یێ سوێدێ بۆ ترکیێ ھاتیە بەتالکرن.

بریار بوو وەزیرێ بەرەڤانیێ یێ سوێدێ پال جۆنسۆن 27ێ چلەیێ سەردانا ترکیێ بکە، لێ بەلێ وەزیرێ بەرەڤانیێ یێ ترکیێ ھولوسی ئاکار ئیرۆ شەمبیێ 21ێ چلەیا 2023یێ ل ئالمانیایێ د داخویانیەکێ دە راگھاند کو وان ئەڤ سەردان بەتال کریە.

وەزیرێ بەرەڤانیێ یێ ترکیێ ھولوسی ئاکار ئاماژە ب چەند چالاکیێن ل دژی ترکیێ یێن ل سوێدێ دا و گۆت: “مە دیت کو پشتی ڤان ئێریشێن ل دژی وەلاتێ مە و سەرۆککۆمارێ مە، چ تەدبیرەک نەھاتیە وەرگرتن. ژ بەر وێ ژی د ئاستا ئەم ھاتنێ دا چ واتە و گرینگیەک بۆ سەردانا وەزیرێ بەرەڤانیێ یێ سوێدێ جۆنسۆن نەما کو بریار بوو 27ێ چلە بهێت ئەنجامدان.”