دەمیرتاش: کاندیدبوونا ئەردۆگان بۆ سەرۆککۆماریێ نەیاسایییە

ھەڤسەرۆکێ بەرێ یێ پارتیا دەمۆکراتیکا گەلان (ھەدەپێ) سەلاحەدین دەمیرتاش راگھاند، کاندیدبوونا ئەردۆگان ژ بۆ سەرۆککۆماریێ، نە ل گۆر یاسایانە.

سەلاحەدین دەمیرتاش ل سەر حەسابا خوەیا تویتەرێ راگھاند: “ئەردۆگان ھم ژ بەر کو باوەرنامەیا وی یا زانینگەھێ تونەیە، ئەگەر ھەبە ژی، ژ بەر کو نکارە جارا سێیەم ببە سەرۆککۆمار، کاندیدبوونا وی، نە ل گۆر یاسایانە و ل دەرڤەیی رەواتیێیە.”

دەمیرتاش دبێژە: “قەبوولکرنا کاندیدبوونا ئەردۆگان ژ ئالیێ سازیا بلندا ھلبژارتنان ڤە، ڤێ راستیێ ناگوھەرینە. تەنێ، سازیا بلندا ھلبژارتنا دبە شریکێ تاوانەکا دن.”

ھەروھا دیار دکە: “دبە وسا بکن کو ئەردۆگان وەک کاندیدەکێ نەیاسایی و دەرڤەیی رەواتیێ بەشداری ھلبژارتنان ببە، لێ بەلێ وەک کاندیدەکێ پرووپاک چ جار نابە.”

سەلاحەدین دەمیرتاش ئەشکەرە دکە: “ئەز دێ ل دژی کاندیدبوونا ئەردۆگان، داخوازنامەیا نەرازیبوونێ پێشکێشی سازیا بلندا ھلبژارتنان بکم. ما ئەردۆگان قرالە کو یاسا وی گرێ نادن؟ ببۆرن، ئەز قرالێ وی ناس ناکم.”