بالافرێن نەناس ل شەڤا دەرباسبوویی، ھەژمارەکە کامیۆنێن کو ژ ئاخا ئیراقێ دەرباسی سووریێ دبوون، کرن ئارمانج، ب ئحتیمالەکە پر مەزن بالافر یێن هەڤپەیمانییا ناڤدەولەتی بن.
ل گۆر نووچەیا رۆسیا تودەی، ل شەڤا دەرباسبوویی 25، کامیۆن دەما ژ ئیراقێ دەرباسی سووریێ دبوون، ژ ئالیێ بالافرێن نەناس ڤە ھاتن بۆمبەکرن.
د ھەمان دەمێ دە ژێدەرێن ئەولەکاری یێن ئیراقی ژ مالپەرێ رە راگھاندنە، کو ھه‌ژمارەکە کامیۆنان ژ سەر سینۆرێن ئیراقێ بۆ سووریایێ ژ ئیرانێ دەرباس بوونە، وان چاڤکانیان تەکەز کرنە کو ئەو کامیۆن د دەریەکی نەفەرمی رە دەرباس بوونە.
رەوانگەھا سووری بۆ مافێن مرۆڤ ژی گۆت کو کامیۆن ل گوندێ ھاری ل گوندەوارێن ئەل-بووکەمال ل رۆژھلاتێ دێرا زۆرێ ھاتن ئارمانجکرن و د ئەنجامێ دە کەسێن د ھوندر دە ھاتن کوشتن و بریندار کرن دەما کو بالافرێن بێپیلۆتێن ھەڤپەیمانیێ ل سەر دەڤەرێ دفریان.
