پشتی ئامەریکایێ، بریتانیایێ ژی ل سەر مەترسیا ئێریشێن تەرۆریستی، ھشیارنامەیا بۆ وەلاتیێن خوە یێن کو سەردانا ترکیێ دکن نوو کر و راگھاند، “دبە کو وەلاتیێن رۆژئاڤایی ببن ئارمانجا ئێریشان.”
وەزارەتا دەرڤە یا بریتانیایێ کو رۆژا 29ێ چلەیا 2023یێ ب داخویانیەکێ وەلاتیێن خوە یێن کو سەردانا ترکیەیێ دکن ل سەر مەترسیا ئێریشێن تەرۆری ھشیار کربوو، ھشیرانامەیا خوە نوو کر.
وەزارەتا دەرڤە یا بریتانیایێ دا زانین کو ئەگەر ھەیە ھەموو وەلاتیێن رۆژئاڤایی ل باژارێن مەزن ئێن ترکیەیێ ببن ئارامانجا ئێریشێن تەرۆریستی.
د ھشیارنامەیێ دا ھاتە خواستن کو، وەلاتی بلا ھشیار بن و ژ جهێن پیرۆز، بنگەھێن دیپلۆماتیک و جھێن کو وەلاتیێن رۆژئاڤایی زێدەتر سەردانا وان دکن، دوور بکەڤن.
بالیۆزخانەیا ئامەریکایێ دوھی ژی خوەستبوو وەلاتیێن رۆژئاڤایی بلا ژ مەیدانا تاکسیمێ، گالاتایێ، دۆرووبەرا باژارۆکێ بەیۆگلویێ یێ ستەنبۆلێ دوور بکەڤن.
رۆژا 21ێ ڤێ مەھێ، سیاسەتمەدارێ سوێدی-دانمارکی «راسموس پلودان» ل ستۆککھۆلما پایتەختا سوێدێ کۆپیەکا قورئانا پیرۆز شەوتاند، پشتی ڤێ کریارێ ژی کارڤەدانێن توند ل وەلاتێن ئیسلامی و چەند وەلاتێن دن ل پشت خوە ئانین.
