جۆن بۆلتۆن: دڤێت ترکیە ژ ناتۆ بهێت دەرخستن

شێورمەندێ بەرێ یێ ئاساییشا نەتەوەیی یا قەسرا سپی جۆن بۆلتۆن، ژ بۆ رۆژنامەیەکا سوێدی ئاخڤی و گۆت کو “دڤێت ترکیە ژ ناتۆیێ بهێت دەرخستن.”

ل سەر داخویانیێن سەرۆککۆمارێ ترکیەیێ رەجەب تەییب ئەردۆگان ئێن د دەربارێ فنلاندیایێ دە کو گۆتبوو “ئەم دکارن پەیامەکە جودا بدن. دەما کو ئەم د دەربارێ فنلاندیایێ دا پەیامەکە جودا بدن، دێ سوێد ماتمایی ببە.” د چاپەمەنیا سوێدێ دا دەنگ ڤەدا.

رۆژنامەیا «Expressen» یا سوێدێ، د نووچەیا خوە یا ب ناڤێ “دبە کو ترکیە ئەندامبوونا فنلاندیایێ د ناتۆیێ دا ئەرێ بکە” دد جھ دا گۆتنێن ئەردۆگان. رۆژنامەیێ، نووچەیەک ب سەرناڤێ “شێورمەندێ بەرێ یێ ترامپ جۆن بۆلتۆن: دڤێت ترکیا ژ ناتۆیێ بهێت دەرخستن” وەشاند.

جۆن بۆلتۆن، د گۆتارا خوە یا کو د رۆژنامەیا «The Wall Street Journal» دا ھات وەشاندن دا گۆت کو”ھەگەر رۆژئاڤا ئالیکاریا ئۆپۆزیسیۆنا ترکیەیێ بکە، ئەردۆگان دکارە بهێت سەکناندن. ھەگەر ل ھەمبەر ئەردۆگان ل بەر خوە نەدن، دێ رەوش خرابتر ببە.”