وەزیرێ به‌رگریێ ترکیێ هولوسی ئاکار راگهاند، ئه‌وێ به‌رسڤا پێویست بۆ ئێریشا سه‌ر باره‌گه‌ها زێلكانێ بدن و هه‌موه‌خت گۆت كو ئۆپەراسیۆنێن ل دژی په‌كه‌كێ ل رۆژئاڤا و باشوورێ كوردستانێ، دێ بەردەوام بن.
هولوسی ئاکار ل پارلامەنتۆیا ترکیێ ژ رۆژنامەڤانان رە گۆت، لەشکەرێن وی وەلاتی ل «باکورێ سووریێ» و «باکورێ ئیراقێ»نە و ئۆپەراسیۆن و چالاکیێن وان یێن لەشکەری ل وان هەرێمان بێ ناڤبەر ددۆمن.
وەزیرێ به‌رگریێ یێ ترکیێ تێکلداری ئێریشا ئیرۆ یا بۆ سەر بنکەیا لەشکەری یا وی وەلاتی یا ل زێلکانێ ژی گۆت: «ئەم ژی بەرسڤا پێویست ددن» و دەستنیشان کر کو تەدبیر هاتنە وەرگرتن.
ڤێ سبێ د دەمژمێر 07:45 خولەکان دە، هەشت مووشەک ئاراستەیی سەربازگەها زێلکان یا ل ناحیا باشیکێ یا سەر پارێزگەها نەینەوایێ هاتن کرن، کو هێزێن ئارتێشا ترکیێ تێ دە نە.
