بەرەڤاژی هەموو داخویانی و ئاخافتنێن پەکەکە ل سەر ژنێ دکە، ژن د ناڤا پەکەکێ دە وەکە ئاموور تێ بکارئانین، زەختا پەکەکێ یا ل سەر ژن و زەلامێن کادرۆیێن وێ ل چیا ئیرۆ ل رۆژئاڤا کوردستانێ ب زەلالی خوەیا دکە، ب ئاوایەکی کو کێم کادرۆیێن پەکەکێ هەنە ئیرۆ ل رۆژئاڤا کوردستانێ راستی کریارێن سێکسی نەهاتبن و خەلک ب پێوەندیێن وان یێن سێکسی نەزانە.
د چارچووڤەیا وان 20 سەرپێهاتیێن سێکسی یێن د نێڤبەرا چەکدار و کادرۆ و بەرپرسێن پەکەکێ ل چیا و رۆژئاڤایێ کوردستانێ دە چێبووی و یەک ژ بەرپرسێن ژ پەکەکێ ڤەقەتیایی ژ مە رە شاندی، ئەمێ ئیرۆ باسی سەرپێهاتیەک دن بکن، سەرپێهاتیا مە یا ئیرۆ کو دبە سەرپێهاتیا پێنجەمین، باس ل تیکلیێن سەکسی یێن د نێڤبەرا ژنەکا ئەندام د ئیستیخباراتا پەکەکێ و دو کەسێن دن دە دکە.
سەرپێهاتیا پێنجەمین ب ڤی ئاوا یە:
یەک ژ ئەندامێن ئیستیخباراتا گشتی یا پەکەکێ ل رۆژئاڤایێ کوردستانێ ب ناڤێ «نەسرین دەنیز» ب کۆدناڤێ «ئامارا» پێوەندیێن سێکسی ب کەسەکی ب ناڤێ «رۆستەم گەڤەر» رە هەبوون، پشتی دەمەک درێژ ئەڤ پیوەندیا وان یا دوور ژ چاند و کلتوورا کوردی ئەشکەرە دبە.
ب ئەشکەرەبوونا پێوەندیا ڤان دو کەسان، پەکەکە هەر دویان سزا ددە، پەکەکە ڤان دو کادرۆیێن خوە ژ رۆژئاڤا کوردستانێ دەر دکە و وان دشینە باشوورێ کوردستانێ، ل وان ناڤچەیێن کو د بن دەستهلاتداریا پەکەکێ ب خوە دە نە، ئامارا بۆ دەما سالەکی ل مەخموورێ دمینە، پشترە پەکەکە بریارێ ددە دیسا ئامارایێ ڤەگەرینە رۆژئاڤا و رۆستەم گەڤەر ل باشوور بمینە.
ئەڤ جەزایێ پەکەکێ دایی ڤان دو کادرۆیێن خوە، نەبوو سەدەم ئامارا ژ ڤان کاران دوور بکەڤە، پشتی سالەکی و ڤەگەرین بۆ رۆژئاڤا کوردستانێ، ئەڤ ئەنداما ئیستیخباراتا پەکەکێ پێوەندیێن سێکسی ب کەسەکی دن رە یێ ب ناڤێ «چەکدار»، کو ئەڤ ژی کادرۆیەکی دنێ پەکەکێ یە دروست دکە.
دەما پەکەکە ب ڤێ یەکێ دزانە، دیسا بریار ددە هەر دو وەرن سزادان، ڤێ جارێ پەکەکێ بریار دا ئامارا ژ بۆ چیایێن باشوورێ کوردستانێ بهێت ڤەگوهەستن، پشترە ئامارا ژ بۆی باژارێ سلێمانیێ تێ ڤەگوهەستن و نها ل وێ دەرێ دمینە، لێ بەلێ پەکەکێ د دەرحەق «چەکدار» دە بریارەک توندتر دا، ئەو بۆ دەما سالەکێ هات زندانکرن، پشتی کو تێ ئازادکرن، چەکدار دەرباسی باشوورێ کوردستانێ دبە و دەستژکاربەردانا خوە ژ پەکەکێ رادگهینە، نها ئەو ل هەرێما کوردستانێ یە و دخوازە کۆچی ئەورۆپایێ بکە.
