وەزارەتا بازرگانیێ یا ئهمهریكایێ ژ بەر رۆلا وان یا د ئالیکاریا ئارتێشا رووسیایێ یا شەرێ ئوکراینایێ دە پاکەتەکە نوو یا سزایان ب سەر 7 کۆمپانیایێن دن یێن ئیرانی دە سەپاندن.
وەزارەتا بازرگانیێ یا ئهمهریكایێ رۆژا سێشەمێ راگهاند کو 7 سازیێن ئیرانی خستنە ناڤ لیستەیا جەزایان ژ بەر ئالیکاریا رووسیایێ ژ بۆ دابینکرنا کەلوپەلێن سەربازی د شەرێ دژی ئوکراینایێ دە بکار بینە.
وەزارەتا بازرگانیێ یا ئهمهریكایێ گۆت، «وەزارەتا مە دێ 7 سازیێن ئیرانی یێن کو ژ ئالیێ دەولەتا ئهمهریكایێ ڤە هاتیە ئیسباتکرن کو ل دژی بەرژەوەندیێن ئەولەهیا نەتەوەیی یا ئهمهریكایێ تەڤدگەرن و پشتگریا پیشەسازیا بەرەڤانی و لەشکەری یا رووسیایێ کرنە، بخە لیستەیا رەش».
هات راگهاندن کو ئەو سازیێن ئیرانی د چێکرنا پارچەیێن مۆتۆرێن فرۆکەیان، ئالاڤێن لەشکەری و درۆنێن لەشکەری دە چالاکن.
وەزارەتا دەرڤە یا ئهمهریكایێ گۆت کو ئەڤ ئالیکاری ژ شاندنا راستەراستا درۆنان ئیرانێ ژ رووسیایێ رە جودایە کو مۆسکۆ وێ ل دژی ئوکراینایێ بکار ئانینە.
ژ ئیلۆنا سالا 2022ان ڤە، ئهمهریكا و وەلاتێن ئەورۆپی رایەدارێن ئیرانێ ب دایینا فرۆکەیێن بێ فرۆکەڤان ژ رووسیایێ رە د شەرێ وێ یێ ل دژی ئوکراینایێ دە کو بکار ئانیە تاوانبار دکن ژ بۆ کو زرارێ بدە بنەسازیا ئوکراینایێ.
د داویا سالا بۆری دە، سەرۆکێ ئوکراینایێ ڤۆلۆدیمیر زیلنێسکی دیار کربوو کو وان ب سەدان درۆنێن ئیرانی یێن کو ژ هێلا رووسیایێ ڤە ژ بۆ ئارمانجکرنا سەکتۆرا ئەلەکتریکێ یا ئوکراینایێ بکار دانی خستنە خوارێ.