ڤێ مەھێ شاندێن ترکیێ، سووریێ و رووسیایێ دێ بجڤن

وەزیرێ بەرەڤانیێیێ ترکیە راگھاند، بریارە د مەھا شوباتێ دا، جڤینا ھەوالگری و بەرگریێ یا د ناڤبەرا ترکیێە، رووسیێ و سووریێ دا برێڤە بچە.

وەزیرێ بەرەڤانیێ یێ ترکیێ ھولوسی ئاکار د کۆنفەرانسەکا رۆژنامەڤانی دا راگھاند، ل سەر پرسا ئاسایکرنا پێوەندیێن لگەل حکوومەتا سووریێ راگھاند، بریارە ڤێ مەھێ، جڤینا ھەوالگری و بەرەڤانیێ یا د ناڤبەرا ترکیێ، رووسیێ و سووریێ دا برێڤە بچە و دبە کو ئیران ژی بەشدار ببە.

لێ، وەزیرێ بەرەڤانیێ یێ ترکیێ جھ و رۆژەکە راست ژ بۆ ھەڤدیتنێ ئاشکەرە نەکر.

شاندێن سووریێ و ترکیێ ب پێشەنگیا وەزیرێن بەرەڤانیێ یێن ھەر دو وەلاتان پشتی 11 سالان ژ تێکچوونا پێوەندیێن د ناڤبەرا ئەنقەرە و شامێ دا 28ێ بەرفانبارا 2022یێ ل مۆسکۆوا پایتەختا رووسیایێ جڤیابوون.

ل گۆر داخویانیا وەزارەتا بەرەڤانیێ یا رووسیایێ، وەزیران د جڤینێ دا رەوشا سووریێ و ھەروھا شەرێ ل دژی توندرەوێن ڤی وەلاتی گۆتووبێژ کرن. سووریێ ژی ئەنجامێن ھەڤدیتنێ ب ئەرێنی نرخاندن.

ژ ئالیێ خوە ڤە، بەردەڤکێ سەرۆککۆمارێ ترکیێ ئیبراھیم کالن ژی بەری دەمەکێ راگھاندبوو کو جڤینێن وان لگەل ئالیێ سووریێ ل سەر ئاستا وەزیران، دێ بەردەوام بن.