ئامارێن نوویێن قوربانیێن ئەردھەژا ل ترکیا و باکورێ کوردستانێ ھاتن راگھاندن

رێڤەبریا رەوشا بلەز و کارەساتان (AFAD)ێ راگھاند، ھەتا نھا 3 ھەزار و 381 کەسان د ئەنجاما ئەردھەژێ دا جانێ خوە ژ دەست دانە و 20 ھەزار و 426 کەس ژی بریندارن.

ل گۆری زانیاریێن (AFAD)ێ، ل مەرەش، ھاتای، ئۆسمانیە، ئادیامان، دیلۆک، رھا، دیاربەکر، مەلەتی، کلیس و ئەدەنەیێ ژ بەر ئەردھەژێ، 3 ھەزار و 381 کەسان جانێ خوە ژ دەست دانە، 20 ھەزار، 426 کەس ژی بریندار بوونە و 6 ھەزار و 217 ئاڤاھی ھلوەشیانە.

دوھی ل ناڤچەیا پازارجکا مەرەشێ ئەردھەژەک ب ھێزا 7.7 ل گۆری پیڤەرا رێختەرێ روو دابوون. د پشترە ژی 183 ئەردھەژێن دن چێبوون کو یا ھەری بھێز 6.6 بوو. ھەر وھا د دەمژمێر 13.24ێ دا ئەردھەژەک دن ب ھێزا 7.6 کو ناڤەندا وێ ئەلبیستانێ بوو روو دا.

ل ھەرێما ئەردھەژێ رەوشا ئاوارتە ھات راگھاندن. د چارچۆڤەیا پلانا رەوشا بلەز و کارەساتان یا ترکیێ دا ژی ھشداریا ئاستا 4ەمین ھات دایین.