پشتی ئەردهەژا دوهـ رۆژا دوشەمێ یا ل باکورێ کوردستانێ، ترکیێ، رۆژئاڤا کوردستانێ و سووریێ و هن جهێن دن روودای، هەژمارەک هەری زێدە یا خەلکێ بوون قوربانی و هەیا نها ژی ب سەدەما هەرفینا ئاڤاهیان ب سەر خەلکێ دە هەژمارەک زێدە یا خەلکێ د بن وان خەرابەیان دا مانە، لێ بەلێ داعشێ مفا ژ ئەردهەژێ وەرگرت.
ل گۆر ئاگاهیێن هەری داوی، پشتی ئەردهەژێ 20 تەرۆریستێن سەر ب داعشێ د گرتیگەهەکێ دا ل باکورێ رۆژئاڤایێ سووریێ رەڤینە.
ئاژانسا «فرانس پرێس» د نووچەیەکی دە ئەشکەرە کر، پشتی ئەردهەژێ ل ڤێ ناڤچەیێ دایی 20 گرتیێن د ناڤا گرتیگەهەکێ دا ل باکورێ رۆژئاڤا سووریێ رەڤیانە.
یەک ژ بەرپرسێن د ناڤا گرتیگەهێ دا ژ «فرانس پرێس»ێ رە راگهاند، گرتیگەهەک کو نێزی باژارۆکێ «راجۆ» یێ ل نیزیکی سینۆرێ ترکیێ نێزیکی 2 هەزار گرتیان ل خوە دگرە و پرانیا وان سەر ب داعشێ نە، پشتی ئەردهەژ روودای و زرار ب زندانێ گهشتی، د ناڤا گرتیان دا دژبەری و نەرازیبوون دەست پێ کر و ھندەک جھێن گرتیگەھێ خستنە بن کۆنترۆلا خوە، ل گۆری ئاگاھیێن دەستپێکێ 20 گرتیێن سەر ب داعشێ ڤە رەڤیانە.
