مامۆستەیێ زانینگەها تەکنیکی یا ستەنبۆلێ و ئەندازیارێ جيۆفیزیکێ پرۆفیسۆرئۆڤگون ئه‌حمه‌د ئەرجان راگهاند دەردۆرا 224 هەزار کەس د وان 7 هەزار ئاڤاهیێن دە بوون کو د ئەردهەژا ل باکورێ کوردستانێ و ترکیێ دە هلوەشیانە و گۆت: «ئەگەر هەژمارا کەسێن هاتنە رزگارکرن 9 هەزار بن دبە کو دەردۆرا 215 هەزار کەس د ژێر کاڤلان دە بن».
رۆژا 6ێ سباتا 2023ان دوو ئەرهەژێن ب پلەیا 7.6 و 7.7 10 پارێزگەهێن باکورێ کوردستان و ترکیە هەژاند و ل وان پارێزگەهان بوو سەدەما مرن و برینداربوونا ب هەزاران کەسان.
کاروبارێن لێگەرین و رزگارکرنا ل پەی قوربانیێن ئەردهەژێ بەردەوامن و ب هەزاران کەس هین د بن کاڤلێ ئاڤاهیان دە نە.
مامۆستەیێ زانینگەها تەکنیکی یا ستەنبۆلێ و ئەندازیارێ جيۆفیزیکێ پرۆفیسۆر ئۆڤگون ئه‌حمه‌د ئەرجان، رۆژا پێنجشەمێ 9ێ سباتا 2023ان ل سەر حەسابێ خوە یێ مەدیایا جڤاکی دەربارێ ئامارێن کەسێن کو هەتا نها د ژێر کاڤلێن ئاڤاهیان دە مانە هنەک زانیاری بەلاڤ کرن.
ئەرجان راگهاند دەردۆرا 224 هەزار کەس د وان 7 هەزار ئاڤاهیێن کو د ئەردهەژا ل باکورێ کوردستانێ و ترکیێ دە هەبوون و گۆت، «هەژمارا کەسێن هاتنە رزگار کرن 9 هەزار بە، دبە کو دەردۆرا 215 هەزار کەس د بن کاڤلان دە بن».
پرۆفیسۆر ئۆڤگون ئه‌حمه‌د ئەرجان دبێژە: «ئەم د رۆژا 4 مین یا ئەردهەژێ د 9ێ سباتێ دە نە، ئامارێن فەرمی: هەژمارا مریان 14 هەزار و 351 کەسن و 60 هەزار بریندار، ژ 4 ملیۆن ئاڤاهیان 7 هەزار ئاڤاهی هلوەشیانە، هەژمارا ئەو کەسێن کو د ئاڤاهیێن هلوەشیایی دە دمان 224 هەزار کەسن، ئەگەر هەژمارا کەسێن رزگاربوونە 9 هەزار بن، دبە کو دەردۆرا 215 هەزار کەس د ژێر کاڤلان دە بن».
Depremin dördüncü günü olan 9 Şubat’tayız. Tüzel(resmi) açıklamalar: ölü sayısı 14 bin 351, 60 bin yaralı, 4 milyon yapının 7 bini yıkılmıştır. Göçen 7 bin yapı içinde kalan yaklaşık kişi sayısı, 224 bin kişidir. Kurtulan 9 bin ise 215 bin dolayında kişi göçük altında olabilir.
— Prof. Dr. Övgün Ahmet Ercan (@ovgunaercan) February 9, 2023
