ئەردهەژ دێ باندۆرەک مەزن ل سەر ئابۆریا ترکیێ بکە

imf-turkey-earth quake

سندۆقا دراڤی یا ناڤنەتەوەیی دبێژە ئەردهەژ دێ باندۆرەک مەزن ل سەر ئابۆریا ترکیێ بکە.

رێڤەبرا سندۆقا دراڤی یا ناڤنەتەوەیی كریستالینا گۆرگیفا، رۆژا یەکشەمێ 12/2/2023 گۆت کو دەینێن ئیسال یێن هن وەلاتێن رۆژهلاتا ناڤین و باکورێ ئافریکایێ ژ بەر سیاسەتێن ئابۆری یێن وان وه‌لاتان بوونە جیهێ نیگه‌رانیێ.

مەها بۆری، سندۆقا دراڤی یا ناڤنەتەوەیی پێشبین کر کو مەزنبوونا ئابۆری ل رۆژهلاتا ناڤین و ئافریکایا باکور ژ سەدی 3،2 کێم ببە و ل ڤر ژی ببە ژ سەدی 3،5.

گۆرگیفا ل کۆربەندا ئابۆری یا ئەرەبی ل دوبەی گۆت، پۆتانسیەلا ئابۆری یا وەلاتێن رۆژهلاتا ناڤین و باکورێ ئافریکایێ دکارە ب چارچۆڤەیەک دارایی یا بهێز ب دەست بخن و ژ بۆ چارەسەرکرنا پرسگرێکێن ئاڤ هەوا و زێدەکرنا داهاتێ کار بکن.

سەرۆکا سندۆقا دراڤی یا ناڤنەتەوەیی گۆت: ئەردهەژا ل ترکیە و سووریێ قادەکە بەرفرەهـ وێران کریە، کارەساتەکە مەزن ل سەر کەسان کریە و باندۆرەکە مەزن ل سەر ئابۆریا ترکیێ دکە.

د 6ێ سباتا 2023ان دە ئەردهەژەک ب پلەیا 7،8 ل ترکیە و سووریێ روو دا و زێدەتری 28 هەزار کەس مرن و زێدەتری 80 هەزار کەس ژی بریندار بوون.

پوستێن ھەمان بەش