ل ناڤچەیا ئانتاکیایێ سەر ب پارێزگەها هاتایێ یا ترکیێ، پشتی 176 دەمژمێران ژ ئەردهەژێ ژنەک هات رزگارکرن.
د ئەنجاما ئەردهەژا 6ێ سباتێ دە ل پارێزگەهێن مەرەش، دیلۆک، رها، ئامەد، سەمسوور، مەلەتی، کلیس، خارپێتێ یێن باکورێ کوردستانێ و پارێزگەهێن ئۆسمانیە، ئەدەنە و هاتایێ وێرانیەک مەزن چێبوویە و ب هەزاران ئاڤاهی هلوەشیانە.
ل هەرێمێن ئەردهەژێ کار و خەباتێن لێگەرین و رزگارکرنێ بەردەوامن، ئیرۆ 13ێ سباتێ ل ئانتاکیایێ ژنا ب ناڤێ سەراپ دۆنمەز پشتی 176 دەمژمێران ژ ئەردهەژێ ژ بن کاڤلان ب ساخی هات رزگارکرن.
سەراپ دۆنمەز، پشتی ژ بن کاڤلان هات دەرخستن ب ئامبولانسێ بۆ نەخوەشخانەیێ هات ڤەگوهەستن.
د ئەردهەژا مەرەشێ دە کو 6ێ سباتا 2023ان چێبوو، ل 10 باژارێن باکورێ کوردستانێ و ترکیێ بوو سەدەما جانژدەستدان و برینداربوونا ب دەهـ هەزاران کەسان.
