ل 11 پارێزگەھێن ترکیێ و باکورێ کوردستانێ، د ئەنجاما لێکۆلینێن بوویەرێن دزی و تالانێن ل ناڤچەیێن ئەردھەژێ دا، 97 گومانبار ھاتن دەستەسەرکرن.
مالپەرا فەرمی یا حکوومەتا ترکیێ راگھاند، د 232 لێکۆلینێن بوویەرێن دزی و تالانێن ل ناڤچەیێن ئەردھەژێ دا 97 گومانبار ھاتن دەستەسەرکرن.
ل گۆر زانیاریان، دۆزگەرێن گشتی یێن کۆماری یێن ترکیێ ل ناڤچەیێن زیاندیتی یێن ئەردھەژێ، دەست ب لێپرسینا بوویەرێن دزی و تالان و خراب بکارئانینا باوەریێ و خاپاندنا ب رێیا بکارئانین سیستەمێن پێوەندیکرنێ دا کریە.
دۆزگەرێن گشتی یێن ترکیێ د چارچۆڤەیا لێکۆلینان دا کو ل 232 دۆسیەیان دەست پێ کرنە، 97 گومانبار ل 11 پارێزگەھان دەستەسەر کرنە و 22 گومانبار ژی ب مەرج ھاتنە بەردان.
