ل پارێزگەها کرککالە یا ترکیێ پاسا تیمەکا هاوارچوونێ یا کو پشتی ئەردهەژا 6ێ سباتێ چووبوو پارێزگەها مەلەتی یا باکورێ کوردستانێ دەما ژ وێ دەڤەرێ ڤەدگەریا د رێدە وەرگەریا و 13 کەس بریندار بوون.
ل ناڤچەیا کەسکین یا سەر رێیا ناڤبەرا کرککالە و کرشەهیر، ئیرۆ 15ێ سباتێ پاسا تیما هاوارچوونێ یا ژ مەلەتی ڤەدگەریا ژ رێ دەرکەت و وەرگەریا.
د بوویەرێ دە 13 کەس بریندار بوون. ل سەر ئاگاهدارکرنێ تیمێن تەندروستیێ و پۆلیس بۆ جهێ بوویەرێ هاتن شاندن. بریندار ژ ئالیێ تیمێن تەندروستیێ ڤە ب ئامبولانسان بۆ نەخوەشخانەیێن باژێر هاتن ڤەگوهەستن.
ل گۆر ئاگاهیان رەوشا برینداران باشە.
