وەزارەتا بەرەڤانییا ئامەریکا راگھاند کو لەشکەرێن ئامەریکی ب ھەڤکارییا ھێزێن سوورییا دەمۆکراتیک (ھەسەدێ) دژی دەولەتا ئیسلامی (داعش) ئۆپەراسیۆنەکا نوو ل دار خستیە.
ل گۆر راگھادنا وەزارەتا بەرەڤانییا ئامەریکا ئۆپەراسیۆن ل رۆژھلاتا باکورێ سوورییێ هاتیە ئەنجامدان و د ئەنجامێ دا رێبەرێ پایەبلند یێ داعشێ ھەمزا ئەل حومسی ھاتیە کوشتن.
د داخویانییێ دا نەھات ئەشکەرە کرن کو رۆلا ئەل حۆمسی چیە. داعشێ ھەری داوی د مەھا بەفرانبارێ دا پشتی رێبەرێ وێ د ئۆپەراسیۆنەکێ دا خوە کوشتبوو رێبەرەکی نوو هەلبژارتبوو.
ل گۆر هەمان داخویانیێ 4 لەشکەرێن ئامەریکی و کووچکەکێ لەشکرێ ئامەریکایێ د ڤێ ئۆپەراسیۆنێ دە بریندار بوونە و ئەو ل ئیراقێ ل ناڤەندەکا ئامەریکی تێنە دەرمان کرن.
قەسرا سپی راگھاند کو لەشکەرێن بریندار د رەوشەکا باش دا نە.
