ل گۆری ئاگاهیێن تایبەت یێن پێگەها دارکا مازی، ل رۆژا 26/5/2022ێ، هەژمارا 4 چەکدارێن پەکەکێ یێن ب ناڤێن هێرش ئامەد و بەنگین بۆتان کو ئەڤ دو چەکدارە پاسەوانێن تایبەت یێن «حەقی ماردینێ» بەرپرسیارێ بریارگەها «سەوق و ئیدارە» نە و بسپۆرن د بکارئانینا مۆشەکێن دژە تانک دا و جوودی قامشلۆ و سیپان رۆژهلات ئێریشا ل سەر سەیرانیێن عەشیرا نێروەیی ل بامەرنێ ئەنجامدایە.
ئاگاهیێن رووپەلا دارکا مازی ئەشکەرە دکن، پەکەکێ د ڤێ ئێریشێ دە ووسا خویا کریە کو دخوەست ئێریشی بالەفرخانەیا بامەرنێ کو نها هێزێن لەشکرێ ترکیێ تێدە نە بکە، لێ بەلێ دەما مۆشەک ئاڤێتی، مۆشەکێن وان د ناڤا سەیرانیێن ژ عەشیرا نێروەیی کەتن خوارێ و دو زارۆکێن ب ناڤێن یووسف کۆڤان حەجی 11 سال و ئاڤەند هشیار محسن 10 سال شەهید کەتن و زارۆکێ ب ناڤێ سیپان فەرهاد حاجی تەمەن 7 سال ژی بریندا بوو، پشترە پەکەکێ د چاپەمەنیا خوە دە راگهاند، بالافرێن ترکیێ ئێریشی گەلێ سڤیل ل بامەرنێ کر و 2 زارۆک شەهید کرن.
ژ بەر کو ڤان چەکدارێن پەکەکێ پسپۆریەکە باش د بکارئانینا مۆشەکان دا هەیە، لۆما ئەشکەرەیە کو پەکەکێ ئەڤ کارە ب زانابوون ئەنجامدایە، پەکەکێ ب ڤێ یەکێ خواستیە ل سەر خوینا ولاتیێن ژ عەشیرا نێروەیی کو گوندێن وان تەڤ داگیر کرنە کامپانیایەک پرۆپاگاندایێ د بەرژەوەندا خوە دە برێڤە ببە.
