د ئەنجاما ئێریشەکە ئاسمانی یا ئسرائیلی ل سەر شامێ و دەردۆرا وێ دە، 15 کەس هاتن کوشتن و هەژمارەک کەسێن دن ژی بریندار بوون.
رەوانگەها سووری یا مافێن مرۆڤان (سۆهر) بەلاڤ کر، ئیسرائیلێ ب مووشەکان جهێن ملیسێن ئیرانی و حزبوڵاها لبنانی ل دەڤەرا کو دکەڤە ناڤبەرا سەیدة زەینەب و دیابیە ل گوندەوارێ شامێ و هن جهێن سڤیلان ئارمانج کرن و د ئەنجامێ دە ئاگر و تەقین ل جهێن ئارمانجکری دەرکەتن.
ل گۆری زانیاریێن رەوانگەهێ، 15 کەس د ئەنجاما ئێریشا ئیسرائیلێ دە هاتن کوشتن کو د ناڤا وان سڤیل هەبوون و هەژمارەکە دن ژی بریندار بووبوون.
ژ ئالیەکی دن ڤە، ئاژانسا «سانا» ل سەر زارێ ژێدەرەکی لەشکەری راگهاند، ئیرۆ د دەمژمێر 00:22 دە، ئیسرائیلێ ژ ئالیێ جۆلانێ ڤە ب مووشەکان ئێریش کر و هن خالێن لەشکەری و تاخێن سڤیلان ل باژارێ شامێ و دەردۆرا وێ کر.
وی ژێدەری گۆت ژی، سیستەما بەرەڤانیا ئاسمانی رووبروویی مووشەکێن ئێریشکار بوو و پرانیا وان خستن خوارێ.
دیار کر ژی، د ئەنجاما ئێریشێ دە 5 کەس هاتن کوشتن، د ناڤا وان دە لەشکەرەک هەبوو و هەر وها 15 وەلاتیێن سڤیل ژی بریندار بوون کو رەوشا هنان گرانە.
د سالێن بۆری دە، ئیسرائیلێ ب دەهان ئێریشێن ئاسمانی ل سووریێ پێک ئانینە، ب تایبەتی ناڤەندێن ئارتێشا سووریێ و هێزێن سەر ئیران و هزبوڵاها لبنانی دکە ئارمانج.
