ل گاره‌ی، مه‌تینا و پیرسی 5 گه‌ریلایێن په‌كه‌كێ خوه كوشتن
پەکەکە نە ب تنێ ژ بۆی گەلێ سڤیل، ژ بۆی چەکدارێن خوە ژی بوویە دەردێ بێی دەرمان، پەکەکە نە ب تەنێ جوانێن کورد یێن کو یان رەڤاندنە یانژی مەژیکێ وان شۆشتیە و ب فێل وان تەڤلی رەفێن خوە دكه و ب دەستێ لەشکرێ ترک ددە کوشتن، بەلکو ژ بەر سەرەدەرییا نەباش و هۆڤانه یا ڤێ پارتیێ هن ژ گەریلایان نەچار دبن ژ بۆی خەلاس بوونا ژ ڤی دەردی ب دەستێن خوە خوە بکوژن.
هەژمارا چەکدارێن پەکەکێ یێن کو وان ب خوە خوە کوشتنە نە هندکە، هه‌ری داوی 5 چه‌كدارێن رێخستنێ ل چیایێن گاره، مه‌تینا و پیرسی ب سه‌ده‌ما ره‌فتارێن وه‌حشی یێن پارتییان خوه، داوی ب ژیانا خوه ئانی نه.
ل گۆری ئاگاهیێن تایبەت و بەلگەیێن کو ژ بۆی پێگه‌ها «دارکا مازی» هاتنه شاندن، 5 چەکدارێن په‌كه‌كێ ژ بەر سەرەدەرییا خەرابا ڤێ پارتیێ ب وان رە، ل چیایێن گارە و مەتینا، یان خوە کوشتنە یان ژی هەولا خوە کوشتنێ دانە.
ناڤ و ئاگاهیێن ڤان 5 چه‌كداران وسایه:
کاتوو ماردینی، تەمەن 19 سال، ژ باژارێ مێردینێ یێ باکورێ کوردستانێ یە، د سالا 2018ان دە ل چیایێ پیرس یێ باشوورێ کوردستانێ ژ بەر سەرەدەرییا خەراب یا بەرپرسێن خوە خوە کوشتیە.
عەگید ماکو، تەمەن 23 سال، ژ باژارۆکێ ماکۆ یێ رۆژهلاتێ کوردستانێ یە، د تەمەنەکە بچووک دە تەڤلی پەکەکێ بوویە، د هاڤینا 2019ان دە، ل «گرێ رەشید» یێ ل دەڤەرا بەرێ گارێ ژ بەر سەرەدەرییا خەراب یا بەرپرسێن خوە یێن ل ڤێ دەڤەرێ خوە کوشتیە.
هاڤین گەڤەر، تەمەن 20 سال، ژ گەڤەرا باکورێ کوردستانێ، د سالا 2019ان دە ل گرێ کون ل دەڤەرا بەرێ گارێ ب سووچا ئەڤیندارییا ب چەکدارەکی کوڕ یێ ب ناڤێ ئوزگۆر ژیاندا رە ژ ئالیێ بەرپرسێن پەکەکێ ڤە تێ گرتن و ئیشکەنجەدان، ژ بەر ڤێ یەکێ هەولا خوە کوشتنێ ددە.
سیلڤان ئامەد، تەمەن 21 سال، ژ ئامەدا باکورێ کوردستانێ یە، د سالا 2020ان دە ل گرێ هەکاری ل چیایێ مەتینا ژ لایێ بەرپرسێن پەکەکێ ڤە ب توندی تێ ئیشکەنجەدان، ژ بەر ڤێ یەکێ خوە دکوژە.
ئارژین ئامەد، تەمەن 18 سال، ژ ئامەدا باکورێ کوردستانێ یە، د سالا 2021ان دە ل گوندێ گویلکا ب سووچا تێکلیێن ئەڤینداری لگەل گەریلایەکی ب ناڤێ سیابەند عەفرین ژ ئالیێ بەرپرسێن پەکەکێ ڤە هاتیە ئیشکەنجەدان و ژ بەر ڤێ یەکێ خوە کوشتیە.
پەکەکە پارتیەکە کو ژ بۆی ژناڤبرنا کوردان هاتیە دامەزراندن، جوانێن کورد ب عەشقا کوردستانێ دخاپینە، بەرێ وان ددە چیا و ل چیا بێی کو هایا وان جوانان پێ هەبە ئەو ل دژی کوردستانێ تێن بکارئانین، پەکەکە یان ڤان جوانان ب دەستێ دەولەتا ترک ددە کوشتن، یان پەکەکە ب خوە وان تاسفیە دکە و یان ژی وان تێخە رەوشەکە ئەو قاس گران کو ئەو ب خوە، خوە بکوژن، ئانکو داوییا وان هەر مرنە.
