سەرۆککۆمارێ ترکیێ رەجەب تەییب ئەردۆگان راگھاند، دێ ل دەڤەرێن کو ئەردھەژ لێ روودانە، ئاڤاکرنا خانیان دەست پێ بکە و ئەو ئاڤاھی ژ 3-4 قاتان زێدەتر نابن.
رەجەب تەییب ئەردۆگان سەردانا باژارێ ھاتایێ کر و ل ناڤەندا ھەڤاھەنگیا پارێزگەھێ یا ئافادێ داخویانی دا.
ئەردۆگانی دیار کر، ل دەڤەرێن ئەردھەژێ، جھێن کو ئاڤاھیێن نوو دێ لێ هێن ئاڤاکرن، د چارچۆڤەیا پلانا باژارەکی نوو دا، ل گۆر کالیتەیا ئەردی، خەتا ئەردھەژێ و ل گۆر چاندا دەڤەرێ هێن ئاڤاکرن.
ھەروھا ئەشکەرە کر، د مەھا ئادارێ دا، ل ھاتایێ 40 ھەزار و 426، ل مەرەشێ 45 ھەزار و 67، ل سەمسوورێ 25 ھەزار و 882، ل دیلۆکێ 18 ھەزار و 544، ل مەلەتیێ 44 ھەزار و 770، ل ئۆسمانیێ 9 ھەزار و 550، ل دیاربەکرێ 6 ھەزار، ل رحایێ 3 ھەزار، ل ئەلعەزیزێ 3 ھەزار و 750، ل ئەدەنێ 2 ھەزار و 500، ل کیلیسێ 250 خانی دێ هێن ئاڤاکرن.
سەرۆککۆمارێ ترکیێ دیار کر، ئاڤاھیێن کو دێ هێن چێکرن، د چارچۆڤەیا پلانا باژارەکی نوو دا، دێ ل گۆر کالیتەیا ئەردی و خەتا ئەردھەژێ و ل گۆر چاندا دەڤەرێ، ھەری زێدە 3-4 قاتان هێن ئاڤاکرن.
