پەکەکە ب رییا شاخا خوە یا رۆژئاڤا كوردستانێ پەیەدێ و رەژیما سووریێ، پیلانەکە خەتەر و نە د بەرژەوەندییا رۆژئاڤا دە ل دژی هێزێن ئامەریکایێ یێن ل رۆژئاڤا کوردستانێ دمەشینە، د ڤێ چارچووڤێ دە هەژمارەک زێدە یا چەکداران دامەزراندنە و پەروەردەیا سەربازی ددە وان.
چاڤکانیێن تایبەت یێن پێگەها دارکا مازی ئەشکەرە کرن، ب ئالیکاری و هێسانکارییا پەکەکێ-پەیەدێ و رەژێما سووریێ، نێزی 400 چەکدارێن سەر ب میلیشیایێن ئیرانێ، حیزبوللاها لبنانی و هێزێن پاراستنا نشتیمانی یێن سەر ب رەژێما سووریێ ڤە، ئۆپەراسیۆنەک لەشکری ئەنجامدا نە.
چاڤکانیێن دارکا مازی هەر وها ئەشکەرە کرن، ئەڤ ئۆپەراسیۆنا هەڤپار ل رۆژا 16/12/2022ان، ل گوندێ حاج بەدریێ سەر ب باژارۆکێ قامشلۆیێ ڤه هاتیە ئەنجامدان.
هەر وها چاڤکانیێن دارکا مازی تەکەز کرن، ڤێ هێزێ ئامادەکاری کرنە ژ بۆ کو د بن ناڤێ “قوات المقاومة الشعبية الوطنية السورية” ئێریشێن چەکداری ل سەر هێزێن ئامەریکایێ یێن ل هەرێمێن رۆژهلاتا رووبارێ فراتێ ئەنجام بدن و مەبەستا سەرەکە ژ پێکئانینا ڤێ هێزێ ژی د ئەساس دە دژاتیکرنا ئامەریکایێ و پاراستنا بەرژەوەندیێن ئیرانێ ل سووریێ یە.
