چاپەمەنیا جیھانێ ئەردھەژێن مەرەشێ و باکورێ کوردستانێ تینن رۆژەڤێ و نیقاشان بەردەوام دکن.
رۆژنامەیا زە گاردیەن، تایتلێ “چما ئەردھەژ دکارە حکومەتا ترکیێ ھلوەشینە؟” ب کار ئانی و نڤیساند کو پشتی ئەردھەژێ ھێرسا ل دژی حکوومەتێ زێدە بوویە.
زە گاردیەن، ب بیر خست کو ئەردھەژ ل ترکیێ و سووریێ بوویە سەدەما ھەری کێم مرنا 46 ھەزار کەسان و 2 ملیۆن کەس ژی بێ مال و وار بوونە و گۆت: “حکوومەتا ترکیێ ژ بەر شەرت و مەرجێن نەباش ئێن ئاڤاھیسازیێ ژ بەرپرسیاریێ دوور دکەڤە.”
د نووچەیێ دا ھات دەستنشانکرن کو پشتی ئەردھەژێ دەرەنگمایین، بێ سەروبەری و کێماسیا خەباتێن لێگەرین، خلاسکرن و ئالیکاریێن ئەول د دەما ھلبژارتنا گشتی دا رەوشا سەرۆککۆمار ئەردۆگان خستیە مەترسیێ، پۆپولەربوونا ئەردۆگان ژ بەر کریزا ئابۆری کێم بوویە و دێ حکوومەت ب زرارەک مەزن روو ب روو مینت.
