كۆمه‌كه دن یا جوانێن كورد یێك ژێ كه‌چ ژ هێلا رێخستنا په‌كه‌كێ ڤه هاتن فه‌دا كرن، په‌كه‌كێ مرنا وان وه‌كه ب هه‌زاران رێهه‌ڤالێن وان ژ بۆی ده‌مه‌ك درێژ ڤه‌شارتی هشتبوو.
هه‌په‌گێ باسكێ له‌شكه‌ری یێ په‌كه‌كێ وه‌كه هه‌ر رۆژ، دوهـ رۆژا سێشه‌می 21/2/2023 ناسنامه‌یا 4 خۆرت و كه‌چه‌كه كوردان ئاشكه‌ره كر كو د به‌رخوه‌دانا خوه یا ساخته ده فه‌دا كرنه، په‌كه‌كێ ل تیرمه‌هـ و جۆتمه‌هێن سالا رابووری 2022ێ ل باشوورێ كوردستانێ دابوونه كوشتن و پاش ده‌رباسبوونا نێزی هه‌شت مه‌ها ژ نووڤه هاتیه و ناسنامه‌یا وان ئیفشا كری یه.
ناڤێن وان ووسایه:
چاكلین عه‌لی ژ تربه‌سپیێ.
مه‌زلووم ئالپ ژ جۆله‌مێرگێ.
مه‌سعوود ته‌كین ژ جۆله‌مێرگێ.
ئازاد منه ژ رانیا.
نووری ده‌لۆ ژ عه‌فرینێ.
هه‌په‌گێ به‌رێ ڤان جوانان ژی وه‌كه ب هه‌زاران جوانێن دن دایه مرنێ و د په‌سنێ وان ده دیسا پڕ ب رووقایمی گۆتییه: ئه‌و فه‌دایێن ئاپۆ بوون، ئه‌و لایقی رێبه‌ر ده‌ركه‌تن!.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرنه و پاش ده‌رباسبوونا ده‌مه‌ك درێژ ژ نوو ڤه مرنا وان ئیفشا دكه، تێ ته‌خمین كرن ب هه‌زاران جوانێن كورد مابن یێن كو په‌كه‌كێ ب ده‌ستێ ئارتێشا ده‌وله‌تا داگیركه‌ر دابنه كوشتن و هێژان مرنا وان ئیفشا نه‌بوویه.
