سەرۆکێ پارتیا دەڤایێ عه‌لی باباجان ژ بەر ئالیکاریێن ئەردهەژێ، سپاسیا حکوومەتا هەرێما کوردستانێ دکە.
سەرۆکێ پارتیا دەڤایێ عه‌لی باباجان، ب رێیا تویته‌را خوە ئالایێن وەلاتێن کو د ئەردهەژێن باکورێ کوردستانێ و ترکیێ دە ئالیکاری کرنە بەلاڤ کر و گۆت، ئەو مننەتدارێ برایێن خوە یێن کو د رۆژێن زەحمەت دە ژ چار ئالیێن جیهانێ دەستێ ئالیکاریێ درێژی وان کرنە.
هەر وها عه‌لی باباجان ب هەشت زمانان سپاسیا وان وەلاتان کر کو کوردی ژی د ناڤا وان دە بوو.
هەرێما کوردستانێ و دەزگەها خێرخوازیا بارزانی، وەک ئالیێن دەستپێکێ بوون پشتی ئەردهەژێن 6ێ سباتا 2023انێن ل مەرەشێ، ب هاوارا زیاندیتیێن ئەردهەژێ هاتن و ئالیکاریێن مرۆڤی و ئەندروستی گهاندبوون باژارێن باکورێ کوردستانێ و ترکیێ.
د ڤێ دەربارێ دە، سەرۆکۆمارێ ترکیێ رەجەپ تاییپ ئەردۆگان د پێوەدیەکا تەلەفۆنی دە سپاسیا سەرۆک بارزانی کربوو.
