بەردەڤکێ وەزارەتا چاڤکانیێن ئاڤێ راگهاند، ئیراقێ ژ بەر سیاسەتێن وەلاتێن جیران، ژ سەدی 70 ژ پشکا خوە یا ئاڤێ ژ دەست دایە.
بەردەڤکێ وەزارەتا چاڤکانیێن ئاڤێ یا ئیراقێ خالد شەمال ژ ئاژانسا نووچەیان یا ئیراقێ رە گۆت، رەوشا ئاڤێ ل ئراقێ نە ئارامە و ژ بەر کێمبوونا ئاڤێ د بەنداڤان دە، ئەو نکارن رێژەیێن مەزنێن ئاڤێ د رووباران رە بەردن.
خالد شەمال دیار کر کو دو ئارمانجا وەزارەتێ هەنە، یا یەکەم دابینکرنا ئاڤا ڤەخوارنێ یە و یا دن ژی دابینکرنا ئاڤا پێویست ژ بۆ چاندنیێ یە.
هەر وها خالد شەمال گۆت، حکوومەتا بەرێ چ رێکەفتنەک لگەل ترکیە و ئیرانێ ئیمزە نەکریە کو وان نەچار بکە پابەند بن ب شاندنا پشکا ئاڤێ یا ئیراقێ، کو بوویە سەدەما وێ یەکێ % 70 ژ ئاڤێ بێ شاندن.
