پرانیا دەزگەھ، وەقف و شیرکەتێن ترک یێن کو نیک دلەکی ژ بۆ خێرخوازیێ ھاتنە دامەزراندن، ل سەر ناڤێ خێرخوازیییێ دەولەمەند بوونە و بوونە کۆمپانیا . ل سەر ناڤێ خێرخوازی و ئالیکاریا فەقیر و ھەژاران ب ملیۆن دۆلاران دراڤان ددن ھەڤ، لێ د راستیێ دا چ ئالیکاریێ لگەل فەقیر و ھەژاران ناکن.
یەک ژ وان دەزگەھ و کۆمپانیان ژی ھەیڤا سۆرا ترکیێ یە. ھەیڤا سۆر یا کو د دەمێن ئەردھەژ و فەلاکەتان دا دڤێت بێ بەرژەوەندی ئالیکاریا خەلکێ بکە، ئیرۆ تشتەکی بەلاش نادە خەلکێ و چادران ژی ب پارەی ددەت زەرەرمەندێن ئەردھەژێ.
دەرکەت ھۆلێ کو ھەیڤا سۆرا ترکیێ «Kizilay»، سەرەرایی کو ل ھەرێمێن ئەردھەژێ پێوستیەک مەزن ب چادران ھەیە، چادر خەزن کرنە، ڤەشارتنە و پشترا ب پارە ئەو فرۆتنە خەلکێ.
سەرۆکێ «Kizilay» کەرەم کنک، دا خویاکرن کو فرۆتنا چادران یاسایی یە، ئنسانییە، ئەخلاقییە و نە تاوانە.
د ڤێ فەلاکەتا ئەردھەژێ دا فرۆتنا چادران و بێبارکرنا زەرەرمەندێن ئەردھەژێ چەند ئینسانی و ئەخلاقییە کەس نزانت. خویایە ئەو ئەخلاقێ کو ل سەر ناڤێ زەرەرمەندان و ل سەر ناڤێ خێرخوازی و ئالیکاریا مرۆڤان دبن کۆمپانیا ژی ئەخلاقەکی جودایە.
