سەرۆککۆمارێ ترکیێ رەجەب تەییب ئەردۆگان راگھاند: “ژ بەر باندۆرا خەرابکەرا ئەردهەژان، رەوشا خەرابا ھەوایێ، زراردیتنا ژێرخانێ، مە چەند رۆژێن ئەول ل سەمسوورێ نکاریبوو خەباتەکا چالاک ئەنجام بدەین. ژ بۆ ڤێ ئەز ژ وە حەلالیێ دخوازم.”
رەجەب تەییب ئەردۆگان سەردانا باژارێ سەمسوورێ کر و ل ناڤەندا رێڤەبەریا ئافادێ ژ رایەداران دەربارێ رەوشا داوی یا باژێر و خەباتان دا ئاگاھی وەرگرتن.
ئەردۆگان دیار کر کو ئیرۆ رۆژا 22یێ یا ئەردھەژێیە و ژ 6ێ سباتێ و ڤر ڤە 10 ھەزار ئەردھەژێن پاشەکی چێبوون و گۆت: “ژ باژارێن کو باندۆرا ئەردھەژێن مەرەشێ ل سەر چێبوو یەک ژ وان ژی سەمسوورە. ژ بەر باندۆرا خەرابکەرا لەرزان، رەوشا خەرابا ھەوایێ، زراردیتنا ژێرخانێ، مە چەند رۆژێن ئەول ل سەمسوورێ نکاریبوو خەباتەکا چالاک ئەنجام بدەین. ژ بۆ ڤێ ژ وە حەلالیێ دخوازم.”
ھەروھا گۆت: “ئەم ھەر تشتی دزانن و بلا شک و گومانا کەسی چێنەبە، پێدڤی ب چ ھەبە ئەم دکن و ئەم دێ بکن. 70 ھەزار برایێن مەیێن سەمسووری ژ مە کۆنتەینەر یان ژی ئالیکاریا کرێ خوەست، ئەم دەستوورێ نادن کو چ برایێن مە زەرەرمەند ببن.”
ل سەر پشتگریێن کو دێ ل ھەرێما ئەردھەژێ هێن دایین، ئەردۆگان وھا گۆت: “ژ پشتگریا ئێم بگرە ھەتا شوونا حەیوانێن کو تەلەف بوونە دایینا حەیوانێن نوو، ئەم د ھەر مژارێ دا لگەل جۆتکارێن خوە نە.”
ئەردۆگان ل سەر ئاڤاھیێن کو دێ ل تەڤاھیا ھەرێما ئەردھەژێ هێن چێکرن گۆت: “ئەم دێ ل سەمسوورێ نێزی 50 ھەزار ئاڤاھیان چێکن. ل جھێن کو خەباتێن ھەرێما میکرۆ و ئەتودا جیۆلۆجی بداوی بوونە، ئەم دەملدەست ڤەددن و دەست ب ئاڤاکرنێ دکن. پشتی بداویبوونا ئاماران ژمارا ئاڤاھیێن کو ھاتن ئاستا ئاڤاکرنێ دەرکەت 309 ھەزاران. ئەم دەستوورێ نادن کو نێزیکی خەتێن زلزالێ و ئەردێ کو شل دبە ئاڤاھی بێن چێکرن، ل جھێن بەرێ ژی ئەم دەستوورێ نادن چێکرنا ئاڤاھیێن بلند. ژ بۆ کو پرۆژەیێن ڤەگوھەستنا باژێر بلەز بێن کرن و د دەمەکە کن دا ھەموو باژارێن خوە بگیھینن وێ ئاستێ کو ئەو ژ بۆ کارەساتان ئامادە بن چ پێدڤی بکە ئەم دێ بکن.”
دھەمان دەمێ دە ئەردۆگان دەستنیشان کر، ئەو سۆز ددە کو ئەو دێ د ناڤا سالەکێ دا برینێن ئەردھەژێ ب رێژەیەکا مەزن بپێچن و گۆت: “ئەم ناھێلن باژارێن مە یێن مێڤانداریا شارستانیێن ب ھەزاران سالان کرنە و ھەزار سالە ئەم ب براتی ب ھەڤ را دژین راستی گوھەرینا بنگەھین وەرن. خوەدی ل باژارێ خوە دەرکەڤن، ب چ ئاوایی وارێ باڤ و کالان ب تەمامی نەتەرکینن. ئەم دێ شوونا ھەر ئاڤاھیا کاڤلبوویی یەکا ھەری باش، ھەری خوەش، ئەولەدار و نوو چێکن و بدن.”
