ل باژارێ مەلەتیێ ئەردھەژەکا دن روو دا

ل باژارێ مەلەتیێ ئەردھەژەکا دن روو دا، ھێزا ڤێ ئەردھەژێ 4.1 پلە ل سەر پیڤەرا ریختەرێ بوو.

ل گۆر راگھاندنا سەرۆکاتیا رێڤەبرنا رەوشا ئاوارتە و کارەستان (ئافاد)، ئیرۆ ل باژارۆکێ چرمگێ یێ سەر ب باژارێ مەلەتیێ ئەردھەژەک ب ھێزا 4.1 روو دا.

ھات راگھاندن کو ئەردھەژ 7 کیلۆمتران د بنێ ئەردێ دا روو دایە و چ زیانێن جانی و مادی ل پشت خوە نەئانینە.

دوھی دانێ نیڤرۆ ژی ل ھەمان باژارۆکی ئەردھەژەکا دن یا ب ھێزا 5.6 روو دابوو و د ئەنجامێ دا 29 ئاڤاھی رووخیابوون، کەسەکی جانێ خوە ژ دەست دابوو و 110 کەس ژی بریندار بووبوون.

پشتی ئەردھەژێن 6ێ سباتا 2023یێ یێن ل مەرەشێ، ھەتا نھا زێدەتر ژ 10 ھەزار پاشلەرزە روو دانە.